كلمات ياسخيف الذرعان ماني بمرجوج مكتوبة، برزت العديد من الشيلات في الخليج العربي ومن أبرزها الشيل الغنائية التي قام بتقديمها الشاعر بندر بن سرور.
كلمات ياسخيف الذرعان ماني بمرجوج مكتوبة
ياسخيف الذرعان ماني بمرجوج
رجتني الدنيا بغدر وحيله
يابنت لولا اللي على تاسع الفوج
تركت نجد وعزوة بالقبيله
لاشك حاديني على نجد هيدوج
مسقي الفيافي لين يدرج مسيله
تركي ليامن الليالي غدن عوج
حمله عتيبه كلها ماتشيله
يرسي كما مينا البواخر على الموج
ومنين ماصك البحر يرتكيله
مادام تركي حي ماودي ادوج
وان غاب غبت من الرجوم الطويله
قصايد بندر بن سرور
يالله يا جال الأمور المهمة . . تجلى وهق قلب برى حال راعيه
البر دجته و البحر رحت يمّه . .. أدرج سبب حظ على الله مساعيه
يوم إن ولد اللاش رزقه على أمه … رزقي على اللي ميّت القشع يحييه
ماني وانا بندر ببياع دمه . .. يقطعك يا بيّاع دمّه و مهفيه
اللي يبيّع لابسات الأزمه .. . ثور يبي بيض العماهيج تغنيه
يزعل ليا جت ليلة الدول يمّه … يرضى بسوق المال بأخيه و أبيه
خطو البخيل اللي يكبّر معمه … يقرا الكتاب و واجب الله مخليه
أما هرج له في رفيقه بنمّه .. . وإلا عطا و أمه تضيّع هقاويه
يا مل قلب كل ما مات همّه . … دارت دواليب الدهر لين تحييه
فرّاق شمل الناس عيّا يلمه .. . وقتن يشيب الراس من شاية فيه